Մշակութային կամուրջներ Արևելքի և Արևմուտքի միջև. Հայաստանը՝ որպես պատվավոր հյուր Լայպցիգում կայացած 6-րդ եվրոպական երեկույթին

Սաքսոնիայում Հայաստանի Հանրապետության պատվավոր հյուպատոսությունը, համագործակցելով Ֆրանսիական ինստիտուտի, Լեհաստանի ինստիտուտի, «Ռան Դիտրիխ» կրթության և մշակույթի եվրոպական հիմնադրամի, ինչպես նաև Եվրոպայի տան հետ, մայիսի 7-ին Լայպցիգի Հրապարակի միջոցառումների սրահում կազմակերպել էր վեցերորդ Եվրոպական սուարեն՝ «Ուրախությամբ Եվրոպայով․ երաժշտություն և պոեզիա երկխոսության մեջ» խորագրով։

Այս տարի Հայաստանը, հանդես գալով որպես սուարեի պատվավոր հյուր, կամրջում էր Արևելքն ու Արևմուտքը՝ ներկայացնելով հայկական պոեզիան և երաժշտությունը։ Հայկական մշակութային պատվիրակությունը ներկայացնում էին Արմինե Սարգսյանը, Արտեմ Սարգսյանը և Էլեն Առաքելյանը, ֆրանսիական պատվիրակությունը՝ Մարիել Աուբեն և Նիկոլա Պորշե Ժուվը, իսկ լեհականը՝ Պավլինա Շուլցը։

Երեկոյին բացման խոսքով հանդես եկավ Սյուզաննա Կուխարսկի-Հունիատը, «Ռան Դիտրիխ» կրթության և մշակույթի խմբի Եվրոպական հիմնադրամի փոխնախագահը։

Միջոցառման ավարտին հյուրերին սպասվում էին Հայաստանի, Գերմանիայի, Ֆրանսիայի և Լեհաստանի խոհանոցներին բնորոշ ուտեստներ և խմիչքներ։